جور نکده خانهِ خوره کولهِ خو بال پورتو مونی
سایه ی بیگانه را خوش ، از ته ی افتو مونی
ازره بیخی شی یک اللی یه
جور نکده خانهِ خوره کولهِ خو بال پورتو مونی
سایه ی بیگانه را خوش ، از ته ی افتو مونی
کشت و کار از خودون مو خشک موشه از بی اوی
بلدهِ کشت همسایه بندای موره پرچو مونی
واده ی سرخ وسووز دیگرو ره باور کیده
ده امید دوغ «کاکا*» ار مجل کشکو مونی
نان و کالا و کلوش مو کل شی از خارج میند
کهنه ی بیگانه را ده جان خو مثل نو مونی
ار روزه صدهانفر کشته موشن ده دور وبر
تو چپن پوشیده از دیموکراسی غوغو مونی
انتحار و انفجار قد نام ازتو یک شده
تو هنوزم افتخار ده «بابا» و « ببو*» مونی
لاف « دهلی تخت*» و « بخارا» و «تورکستان»زیده
خود تو تا تیس بی تنبو ، ده تای غژدی خو مونی.
***
رفیقو ، قومو بایین که یک کمی همت کنی!
مو قدی ازیا ناقی روز روشون خو شو مونی
یک شونی مردک شونی بلدهِ حق و حقوق خود
تا ده کی ده جان یکدیگه ، چاقو بیلو مونی ؟!
بیرارو ! شیعه سنی مو یک اللی ، یک ازره یی
بین خود تاکی تینه بلنه ، گیرو پیتو مونی؟!
تا ده کی تقسیم ده روشنفکر و ده ملا موشی
تا ده کی دل و جگر یکدیگی خو او مونی؟!
*کاکا- کنایه از «کاکا سام» است
*ببو - کنایتاً هدف از عبدالرحمن و دیگر قاتلان مردم هزاره و حکام جنایتکار افغانستان است که با یاد آنها موی بربدن مردم ما راست میگردد .
* دهلی تخت – کنایه از شعر احمدشا بابا «د دهلی تخت هیروم ..» است
شعر از محسن زردادی
منبع: گلهای حسرت
هیچ نظری موجود نیست:
ارسال یک نظر